I.E.S. Cuenca del Nalón

Trabayos de alumnos de 1º ESO

2006-01-19T11:49:00.000+01:00

Los alumnos de 1º amás de ser un poco regolvinos, tamién trabayen. Equí tenemos unes semeyes de trabayos, unos poemes con dibuxos que ficieron pa deprender a escribir en versu. La calidá de les semeyes nun ye buena, pero dalgo ye dalgo. Quiero veles.

Alumnos de 1º ESO posen pa facese semeyes

2006-01-19T11:12:00.000+01:00

Los alumnos de 1º ESO que son el mayor grupu que tenemos de Llingua Asturiana, y tamién son los que más guerra dan, punxéronse toos xuntos pa salir nestes semeyes. Calca pa veles

Estos son los alumnos de 2º ESO

2006-01-19T11:06:00.000+01:00

Si queréis conocer a los alumnos de 2º ESO, calcar equí. Tán en clase toos sentaos faciendo que trabayen. Bueno, hai que reconocer que son mui trabayadorucos, anque un poco regolvinos.

Hai que ponese a trabayar

2006-01-10T09:30:00.000+01:00

Finaron les vacaciones navideñes. Dexamos de tar de folgueta y hai qu'entamar a clase con ganes, qu'esta evaluación siempre se fai llarga. Alcordáivos de dir lleendo los llibros. Apuntái bien el títulu y l'autor.

Yá tán equí les vacaciones navideñes

2005-12-20T09:29:00.000+01:00

Espero que disfrutéis d'estes vacaciones pa folgar, lleer, tar cola familia, gastar les perres de la ¡¡estraordinaria !! y xintar munches llambiotaes, qu'en Xineru hai que ponese a réxime (como en tolos entamos del añu).

El llibru pa los de 3º E.S.O.

2005-12-15T11:37:00.000+01:00

P'animar a la llectura de llibros n'asturianu, escoyí ún pa los alumnos de 3º que-yos va gustar muncho. Ye "La sal y el formientu" que recueye una gaviella cuentos populares de los que la xente-y cuenta a menudo a Montserrat Garnacho: les histories del gatu y el raposu, del llobu y la cabra, del rei y la criada..., pero nesta ocasión feches teatru. Asina los alumnos pondránse a lleer testos de teatru a lo que nun tán mui avezaos.

Llibru de llectura pa 2º E.S.O.

2005-12-15T11:10:00.000+01:00

Pa la segunda evaluación los alumnos de 2º E.S.O. van tener que lleer "El mercaderu de tormentes", el so autor ye Vicente García Oliva, calca nel so nome pa saber más d'él. Veréis que llibru más prestosu pa lleer.

Llectura pa los escolinos de 1º E.S.O.

2005-12-13T09:08:00.000+01:00

Pa estes vacaciones que yá tán ehí, los alumnos de 1º de la E.S.O. van tener que lleer el rellatu de "Adiós Cordera" de Leopoldo Alas Clarín. Esti cuentín cuenta'l cariñu que tienen unos neños a la so vaca y too lo que-yos pasa. Ye ún de los cuentos más conocíos de Clarín y más afayadizu pa que llean los escolinos y conozan cómo yera la vida na zona rural asturiana del sieglu XIX.

Esti ye'l nuesu centru

2005-12-13T08:47:00.000+01:00

El nuesu centru, IES "Cuenca del Nalón", ta asitiáu ente'l barriu de La Pomar y el de Pénxamo en La Felguera. Esti añu tamos cellebrando'l 75º Aniversariu, polo que lleva toa una vida educando a escolinos del valle del Nalón.

Primer mensaxe

2005-11-21T19:41:00.000+01:00

¡Bienllegaos al blog del IES Cuenca del Nalón!